მანდატურები ფსიქოლოგებთან გადამზადების კურსს გადიან

დღეიდან სკოლების მანდატურების გადამზადება დაიწყო. მანდატურები ფსიქოლოგებთან სპეციალურ ტრენინგებს გადიან. ტრენინგების კურსი ბავშვებთან კომუნიკაციას, კრიტიკულ სიტუაციებში ქცევას, რთულად აღსაზრდელ ბავშვებთან ურთიერთობებს, ასევე საკუთარი თავის ფლობის ტექნიკას  და ქცევისა და ეთიკის  ნორმებს მოიცავს.  

მანდატურების გადამზადება ეტაპობრივად მოხდება. პირველ ეტაპზე, 1400 მანდატურიდან 200 შეირჩა, რომელთა ტრენინგები წლის ბოლომდე დასრულდება.

საგანმანათლებლო დაწესებულების მანდატურების ტესტირება ერთი თვის წინ დაიწყო. 700-მდე მანდატურმა ელექტრონული ტესტირების  შემდეგ ფსიქოლოგებთან ინდივიდუალური გასაუბრება გაიარეს და მათი შედეგების ანალიზის საფუძველზე დაიგეგმა გადასამზადებელი ტრენინგების კურსი.