სკოლის მანდატურები პირველადი დახმარების უნარ-ჩვევებით აღიჭურვებიან

თბილისის სახელმწიფო სამედიცინო უნივერსიტეტში სკოლის მანდატურები პირველადი  დახმარების უნარ-ჩვევებში  მომზადების კურსს გადიან. 

განათლებისა და მეცნიერების სამინისტროს საგანმანათლებლო დაწესებულების მანდატურის სამსახური ახალ პროექტს ,,საქართველოს გადაუდებელი დახმარების ექიმთა კოლეჯთან’’ ერთად  ახორციელებს.

ტრენინგების ფარგლებში, სკოლის მანდატურები პრაქტიკულად შეისწავლიან, თუ როგორ უნდა აღმოუჩინონ დაზარალებულს  პირველადი დახმარება  სწორად და სწრაფად  ექიმის მოსვლამდე.

პირველ ეტაპზე ტრენინგებს თბილისის საჯარო სკოლების მანდატურები გაივლიან, სამომავლოდ კი, პროექტში საქართველოს მასშტაბით ყველა სკოლის მანდატური ჩაერთვება.