მანდატურის სამსახურის გუნდი ,,მოყვარულ ფეხბურთელთა ლიგაში’’ ჩაება

18 მაისს  ,,იმედის‘’ სტადიონზე საგანმანათლებლო დაწესებულების მანდატურის სამსახურის გუნდი კომპანია ,,GAGRA  PLUS’’-ის გუნდს დაუპირისპირდა მინი-ფეხბურთში და ანგარიშით 2:1 დაამარცხა.

ორგანიზაცია ,,Diplomatic Service’’-ის მიერ ორგანიზებულ ,,მოყვარულ ფეხბურთელთა ლიგაში’’ მანდატურის სამსახურის გუნდი მეორე წელია მონაწილეობს. სპორტულ ღონისძიებაში, რომელიც 13 კვირა გაგრძელდება, საქართველოში აკრედიტებული დიპლომატიური კორპუსი, სხვადასხვა სამთავრობო და არასამთავრობო ორგანიზაციების, ასევე კერძო სამეწარმეო კომპანიების 14 გუნი მონაწილეობს.

აღნიშნული ღონისძიების მიზანია, ხელი შეუწყოს მჭიდრო და მეგობრული ურთიერთობების ჩამოყალიბებას სხვადასხვა ორგანიზაციების წარმომადგენლებს შორის, ასევე პოპულარიზაცია გაუწიოს ჯანსაღი ცხოვრების წესის დამკვიდრებას საზოგადოებაში.