მანდატურები და მოსწავლეები თამბაქოს წინააღმდეგ

,,არ დაემონო თამბაქოს, იყავი თავისუფალი’’- ამ დევიზით განათლებისა და მეცნიერების  სამინისტროს მანდატურის სამსახურის გუნდმა თბილისის 64-ე, 195-ე და მე-2 საჯარო სკოლების მოსწავლეებთან მინი ფეხბურთში შეხვედრები  გამართა.

აქცია-თამაში მიეძღვნა ,,მსოფლიო დღეს თამბაქოს გარეშე’’, რომელსაც ჯანმრთელობის მსოფლიო ორგანიზაცია ყოველი წლის 31 მაისს აღნიშნავს.

შეხვედრები მანდატურების გამარჯვებით სიმბოლური ანგარიშებით დასრულდა. თამბაქოს წინააღმდეგ მიმართული აქციით  მოსწავლეებმა და მანდატურებმა ერთობლივად გამოხატეს თამბაქოსაგან თავისუფალ გარემოში ცხოვრების ჯანსაღი წესის მხარდაჭერა.

დაავადებათა კონტროლის ცენტრის მიერ ორგანიზებულ თამბაქოს წინააღმდეგ ბრძოლის კვირეულს მანდატურის სამსახური სხვადასხვა ღონისძიებებით შეუერთდა.