საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

10.06.2013

გაიღე სისხლი-აჩუქე სიცოცხლე!

დაავადებათა კონტროლის ეროვნული ცენტრის მიერ ორგანიზებულ დონაციის კვირეულს, რომელიც სისხლის დონორის მსოფლიო დღის 10 წლისთავს ეძღვნება, განათლებისა და მეცნიერების სამინისტროს მანდატურის სამსახურიც შეუერთდა.

აქციის ,,გაიღე სისხლი-აჩუქე სიცოცხლე’’ ფარგლებში მანდატურის სამსახურის უფროსმა ლევან აბაშიძემ და სკოლის მანდატურებმა სისხლი იაშვილის სახელობის კლინიკის სისხლის ბანკს ჩააბარეს. უანგაროდ გაღებული სისხლი ლეიკემიით დაავადებულ ბავშვებს მოხმარდება, რომლებიც ყოველდღიურად საჭიროებენ სისხლის კომპონენტებს.

სკოლის მანდატურები მსგავს აქციებში ყოველწლიურად იღებენ მონაწილეობას.

14 ივნისს მსოფლიოს სხვადასხვა ქვეყანაში აღინიშნება სისხლის დონორთა საერთაშორისო დღე, რომლის მიზანს წარმოადგენს უსაფრთხო სისხლისა და სისხლის პროდუქტების შესახებ მოსახლეობის ცნობიერების ამაღლება და მადლიერების გამოხატვა ყველა იმ დონორის მიმართ, რომელიც უანგაროდ გასცემს სისხლს ადამიანების სიცოცხლის გადასარჩენად.

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)