სკოლის მანდატურებმა აჭარის გარემოს დაცვის სამმართველოსთან ერთად შავი ზღვის სანაპირო ზოლი დაასუფთავეს

განათლებისა და მეცნიერების სამინისტროს მანდატურის სამსახურის ინიციატივით კამპანია ,,მწვანე თვის’’ ფარგლებში დასუფთავების აქცია მოეწყო.

ბათუმისა და ქობულეთის სკოლების 50-მდე მანდატურმა ჩაქვის სანაპირო ზოლი (ბუკნარი-ბობოყვათი) დაასუფთავეს.

,,მწვანე თვედ’’ ივნისი გარემოსა და ბუნებრივი რესურსების დაცვის სამინისტროს ინიციატივით გამოცხადდა, რომლის ფარგლებშიც მასშტაბური გარემოსდაცვითი ღონისძიებები განხორციელდა.

დასუფთავების აქციაში აჭარის გარემოს დაცვის სამმართველოს უფროსმა ვახტანგ წულაძემ და მანდატურის სამსახურის უფროსის მოვალეობის შემსრულებელმა გიორგი კილაძემაც მიიღეს მონაწილეობა.