მანდატურის სამსახურს ახალი უფროსი ჰყავს

საქართველოს განათლებისა და მეცნიერების სამინისტროს საგანმანათლებლო დაწესებულების მანდატურის სამსახურს ვახტანგ მეიფარიანი უხელმძღვანელებს.

ყოფილი სპორტსმენი ვახტანგ მეიფარიანი საქართველოს ხელბურთის ეროვნული ფედერაციის ვიცე-პრეზიდენტია. წლების განმავლობაში მუშაოდა ფინანსთა სამინისტროში, ასევე საბანკო სექტორში; დამთავრებული აქვს საქართველოს ტექნიკური უნივერსიტეტი და ლაიფციგის (გერმანია) უნივერსიტეტი.