მანდატურის სამსახურის უფროსი რეგიონების მანდატურებს შეხვდა

საგანმანათლებლო დაწესებულების მანდატურის სამსახურის უფროსმა ვახტანგ მეიფარიანმა რეგიონებში გაცნობითი ხასიათის შეხვედრები გამართა. რამდენიმე დღიანი ვიზიტის ფარგლებში სამსახურის უფროსი, მოადგილეებთან და მრჩეველთან ერთად შიდა ქართლისა და დასავლეთ საქართველოს სკოლების მანდატურებს შეხვდა. სამსახურის ახალმა ხელმძღვანელმა მუშაობის პროცესში არსებული პრობლემები მოისმინა და ახალი სასწავლო წლიდან დაგეგმილ სიახლეებზე ისაუბრა.