ახალციხის სკოლის მანდატურები შეზღუდული შესაძლებლობების მქონე ბავშვებს ესტუმრნენ

ახალციხის სკოლების მანდატურებმა მოსწავლეებთან ერთად მე-7 სკოლის შეზღუდული შესაძლებლობების მქონე აღსაზრდელები მოინახულეს. მოსწავლებმა მოზარდები  საკონცერტო პროგრამითა  და მხიარული თამაშებით გაახალისეს, მანდატურებმა კი ბავშვები ტკბილეულით დაასაჩუქრეს.

ახალციხის მე-7 სკოლაში 6-დან 18 წლამდე ასაკის 20 მდე  შეზღუდული შესაძლებლობების მქონე მოსწავლე სწავლობს.

ახალციხელი მანდატურების ინიციატივას მანდატურის სამსახურიც შეუერთდება და მომავალში საქველმოქმედო აქციები დაიგეგმება.