ტრენინგები პროფორიენტაციისა და კარიერის დაგეგმვის საკითხებზე

სსიპ საგანმანათლებლო დაწესებულების მანდატურის სამსახურის პროფორიენტაციისა და კარიერის დაგეგმვის სამმართველო ახორციელებს საჯარო სკოლის მე-9 კლასის დამრიგებელთა გადამზადებას პროფორიენტაციისა და კარიერის დაგეგმვის საკითხებში. ტარდება ტრენინგები საქართველოს ყველა რეგიონში. ამ ეტაპზე პროექტში უკვე ჩაერთო საქართველოს ყველა რეგიონის 500-მდე სკოლა. თვის ბოლომდე ტრენინგი ჩაუტარდება ამ სკოლების 700 მასწავლებელს, რომლებიც ტესტირების საფუძველზე მიიღებენ სერთიფიკატებს, რაც მისცემთ უფლებას ჩაატარონ პროფორიენტაციისა და კარიერის დაგეგმვის გაკვეთლები სადამრიგებლო საათის ფარგელბში.
თბილისში 9 – 10 ოქოტომბერს ტარდება პირველი ტრენინგები თბილისის სკოლების (გლდანი-ნაძლადევისა და ძველი თბილისის) მე-9 კლასის მასწავლებელთა გადამზადების მიზნით. პარალელურად მიმდინარეობს ტრენინგების ჩატარების პროცესი იმერეთის რეგიონში - ქ. ქუთაისში და შიდა ქართლის რეგიონში - ქ. გორში.
პროცესი დასრულდება ოქტომბრის ბოლომდე და 2014-15 სასწავლო წლის პირველ სემესტრში საპილოტე სკოლების მე-9 კლასებში ჩატარდება პროფორიენტაციისა და კარიერის დაგეგმვის პირველი გაკვეთილი.