საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

19.02.2016

თანამშრომლობა გერმანიასთან

თანამშრომლობა გერმანიასთან

საერთაშორისო გამოცდილების გაზიარებისა და სამომავლო თანამშრომლობის გაღრმავების მიზნით,  მანდატურის სამსახურის უფროსის მოადგილე კონსტანტინე ანჯაფარიძე და ამავე სამსახურის ფსიქოლოგიური ცენტრის (სამმართველო) ფსიქოლოგი მარიამ დავითაშვილი გერმანიის განათლების, ახალგაზრდობისა და მეცნიერების სენატის მიწვევით, გერმანიის ფედერაციულ რესპუბლიკაში იმყოფებოდნენ.

ვიზიტის ფარგლებში, შეხვედრები გაიმართა როგორც ხელმძღვანელ პირებთან, ასევე ფსიქოლოგებთან, სოციალურ მუშაკებთან, სკოლების ხელმძღვანელებთან და სამართალდამცავი ორგანოების წარმომადგენლებთან. მხარეებმა განიხილეს სკოლებში უსაფრთხო გარემოს შესაქმნელად უწყებათაშორის კოორდინაცია, კრიზისული ინტერვენცია თუ მედიცინის საკითხები. ყურადღება გამახვილდა პრევენციულ პროგრამებსა და რეფერირების (გადამისამართების) პროცედურებზე. 

მანდატურის სამსახურის წარმომადგენლები გერმანიის საჯარო სკოლებში არსებულ მდგომარეობასა და უსაფრთხოების კუთხით გადადგმულ ნაბიჯებსაც გაეცნენ.  

გერმანიის, ჩეხეთის, ამერიკის შეერთებული შტატების პარტნიორ ორგანიზაციებთან თანამშრომლობას, მანდატურის სამსახური მომავალშიც აქტიურად გააგრძელებს.

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)