მანდატურები სამცხე - ჯავახეთის რეგიონის სკოლებში შევიდნენ

მანდატურის სამსახური რეგიონებში ფართოვდება. 

სამცხე–ჯავახეთის რეგიონის, ახალქალაქისა და ნინოწმინდის რამდენიმე დიდკონტიგენტიან საჯარო სკოლაში მანდატურები პირველად შევიდნენ. საქართველოს განათლებისა და მეცნიერების სამინისტროს მანდატურის სამსახურის წარმომადგენლებმა მანდატურები პირადად წარუდგინეს სკოლებს. 

შერჩეულმა კანდიდატებმა, პოლიციის აკადემიაში, მანდატურთა მომზადების სპეციალური საგანმანათლებლო პროგრამა და ფსიქოლოგიური მომზადების კურსი გაიარეს. ამ ეტპზე, ათას ორასზე მეტი მანდატური საქართველოს 428 საჯარო და 4 კერძო სკოლაში, 3 პროფესიულ სასწავლებელსა და 1 უმაღლეს სასწავლო დაწესებულებაში უზრუნველყოფს საზოგადოებრივი წესრიგისა და უსაფრთხოების დაცვას.