მანადატურის სამსახურის თანამშრომლებმა სისხლის უანგარო დონაციის აქციაში მიიღეს მონაწილეობა

სსიპ საგანმანათლებლო დაწესებულების მანდატურის სამსახურში „ჰემატოლოგიისა და ტრანზფუზიოლოგიის ინსტიტუტის“ სისხლის ბანკის უანგარო დონორთა აქცია მოეწყო.

სისხლის ჩაბარების აქციაში, სახელწოდებით - “თქვენ დღეს სიცოცხლე გადაარჩინეთ“, მონაწილეობა მანდატურის სამსახურის ადმინისტრაციის თანამშრომლებმა და მანდატურებმა მიიღეს.

აქციის მიზანია სისხლის საჭიროების მქონე პაციენტებისათვის საჭირო სისხლისა და სისხლის კომპონენტების დეფიციტის შემცირება.  

აქციაში მონაწილე თითოეულ დონორს ჩაუტარდა სხვადასხვა ტიპის უფასო გამოკვლევა ვირუსებზე. აქციაში მონაწილე პირებს, ინსტიტუტის სახელით, „მადლობის სიგელები“ გადაეცათ.