საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

16.11.2018

მანდატურის სამსახურის ფსიქოლოგები სკოლის მოსწავლეებს ბულინგის შესახებ ესაუბრნენ

მანდატურის სამსახურის ფსიქოლოგები სკოლის მოსწავლეებს ბულინგის შესახებ ესაუბრნენ

მანდატურის სამსახურის ფსიქოლოგიური მომსახურების ცენტრის ფსიქოლოგები, სოციალური კამპანიის - „ძლიერები არ ძალადობენ“ ფარგლებში, ნიუტონის თავისუფალი სკოლის მოსწავლეებს შეხვდნენ. საინფორმაციო შეხვედრაში საქართველოს სახალხო დამცველის მოადგილე ეკა სხილაძე და საფეხბურთო კლუბ "საბურთალოს" წევრებიც მონაწილეობდნენ.

ფსიქოლოგები მოზარდებს ბულინგის არსის შესახებ ესაუბრნენ და მასთან ბრძოლის მეთოდები და საშუალებები განიხილეს. შეხვედრა კითხვა-პასუხის რეჟიმში წარიმართა. დისკუსიის მონაწილეებმა მოსწავლეების შეკითხვებს ამომწურავად უპასუხეს.  

ანტიბულინგურ კამპანიას - „ძლიერები არ ძალადობენ“ პიარ-მედია საკონსულტაციო ჯგუფი - კომპანია PRMC, განათლების, მეცნიერების, კულტურისა და სპორტის სამინისტროს მხარდაჭერით ახორციელებს.   

სოციალური პროექტი ბულინგის წინააღმდეგ ბრძოლის იდეის გარშემო რამდენიმე უმნიშვნელოვანეს მიზანს აერთიანებს, მათ შორის, ახალგაზრდა თაობაში ისეთი ფასეულობების დამკვიდრებას, როგორიცაა არაძალადობრივი ცხოვრება, ადამიანის უფლებები და ურთიერთპატივისცემა; ჯანსაღი ცხოვრების წესის პოპულარიზაციას და სამოქალაქო საზოგადოების, ასევე, სპორტული სამყაროს კონსოლიდირებას ბულინგის, ჩაგვრის და ძალადობის წინააღმდეგ.

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)