მანდატურებმა, შსს-ს მართლწესრიგის ოფიცრებთან ერთად, დასუფთავების აქციაში მიიღეს მონაწილეობა

თბილისის 61-ე სკოლაში დასუფთავების აქცია გაიმართა, რომელშიც მანდატურები, შსს-ს თბილისის პოლიციის დეპარტამენტის მართლწესრიგის ოფიცრები, სკოლის ადმინისტრაცია, მოსწავლეები და მათი მშობლები მონაწილეობდნენ.

აქციის ფარგლებში, დასუფთავდა სკოლის ეზო და მიმდებარე ტერიტორია.

მსგავსი სახის აქციებში ჩართულობა ხელს უწყობს მოზარდებში სამოქალაქო პასუხისმგებლობის ჩამოყალიბებას და გარემოზე ზრუნვას. 

მანდატურების აქტიური მონაწილეობა საზოგადოებრივ ღონისძიებებში მომავალშიც გაგრძელდება.