ახალი ამბები
მანდატურის სამსახურმა საჯარო სკოლებში უსაფრთხოებაზე უფლებამოსილი პირების გადამზადება დაიწყო
საქართველოს საჯარო სკოლებში, სადაც მანდატურები ამ ეტაპზე წარმოდგენილი არ არიან, საგანმანათლებლო დაწესებულების მანდატურის სამსახურმა უსაფრთხოების უზრუნველყოფაზე უფლებამოსილი პირების გადამზადება დაიწყო.
პირველ ეტაპზე, განახლებული მოდულით, ტრენინგები შიდა ქართლისა და კახეთის რეგიონებში ჩატარდა. ტრენინგის მიზანია უფლებამოსილი პირებისთვის ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესისა და პირობების გაცნობა. გადამზადების შემდეგ, საგანმანათლებლო დაწესებულების უფლებამოსილ პირებს შეეძლებათ სკოლაში მომხდარი დარღვევების იდენტიფიცირება, სხვადასხვა გადაუდებელ, კრიზისულ სიტუაციაში დროული და ეფექტური რეაგირება, ძალადობის მსხვერპლი ან ძალადობის რისკის ქვეშ მყოფი ბავშვის ქცევითი, ემოციური და ფიზიკური ნიშნების ამოცნობა და ძალადობის მსხვერპლი ბავშვის გადამისამართება შესაბამის, უფლებამოსილ სტრუქტურებში.
ამ ეტაპზე, მანდატურის სამსახური, საქართველოს მასშტაბით, წარმოდგენილია 458 საჯარო სკოლაში. მანდატურის სამსახურში მიმდინარე რეფორმის ფარგლებში, 2019-2020 წლებში, სამსახურის სერვისით ისარგებლებს, დამატებით, 260 საჯარო სკოლა. ხოლო იმ სკოლებში, სადაც მანდატურები წარმოდგენილი არ იქნებიან, მიმდინარე წლის ბოლომდე, ეტაპობრივად გადამზადდება უსაფრთხოებაზე პასუხისმგებელი ყველა პირი.
როგორ გავხდე მანდატური?
მონიტორინგის სამმართველოს ცხელი ხაზი
2 200 220 (3335)ფსიქოლოგიური საკონსულტაციო მომსახურების 24 საათიანი ცხელი ხაზი
08 00 00 00 88ფსიქოსოციალური მომსახურების ცენტრის ცხელი ხაზი
2 200 220 (3025)სასარგებლო ბმულები
საქართველოს განათლებისა და მეცნიერების სამინისტრო
სსიპ განათლების მართვის საინფორმაციო სისტემა
გამოცდების ეროვნული ცენტრი
განათლების ხარისხის განვითარების ეროვნული ცენტრი
სსიპ საგანმანათლებლო და სამეცნიერო ინფრასტრუქტურის განვითარების სააგენტო
მასწავლებელთა პროფესიული განვითარების ეროვნული ცენტრი
შოთა რუსთაველის საქართველოს ეროვნული სამეცნიერო ფონდი
განათლების საერთაშორისო ცენტრი