მანდატურებმა მრავალშვილიან, სოციალურად დაუცველ ოჯახს სააღდგომო ნობათი გადასცეს

საგანმანათლებლო დაწესებულების მანდატურის სამსახურის აჭარისა და გურიის ცენტრის თანამშრომლები ბათუმში მცხოვრებ ცხრასულიან, სოციალურად დაუცველ ოჯახს ესტუმრნენ. ოჯახში შვიდი ბავშვია, მათგან ყველაზე უმცროსი რამდენიმე თვისაა, უმეტესობა კი სკოლაში დადის. 
მანდატურებმა ბავშვებს, აღდგომის დღესასწაულთან დაკავშირებით, ტკბილეული და საკვები პროდუქტები გადასცეს. აქცია თავად მანდატურების ინიციატივით გაიმართა. 

მსგავსი სახის საქველმოქმედო აქციებს მანდატურის სამსახურის თანამშრომლები მომავალშიც აქტიურად გააგრძელებენ.