მანდატურის სამსახური პოლონელ ექსპერტებს მასპინძლობს

საგანმანათლებლო დაწესებულების მანდატურის სამსახურის ორგანიზებით და ევროკავშირის პროექტის „ევროკავშირის მოქმედება ნარკოტიკებისა და ორგანიზებული დანაშაულის წინააღმდეგ“ (EU-ACT) ფინანსური მხარდაჭერით, თბილისს პოლონეთის ნარკო-პრევენციის ცენტრის უფროსის მოადგილე ბოგუსლავა ბუკოვსკა და პოლონეთის ფსიქიატრიისა და ნერვოლოგიის ინსტიტუტის პროფესორი ქშიშტოფ ოსტაჟევსკი ეწვივნენ. 4 დღიანი ვიზიტის განმავლობაში, ისინი სხვადასხვა უწყებისა და არასამთავრობო ორგანიზაციის წარმომადგენლებს შეხვდებიან და არასრულწლოვნებთან მიმართებაში, საქართველოს ნარკო-პოლიტიკას გაეცნობიან.

ბოგუსლავა ბუკოვსკამ და კრისტოფ ოსტაჟევსკიმ დიდი წვლილი შეიტანეს პოლონეთის საგანმანათლებლო დაწესებულებებში ანტინარკოტიკული კამპანიების განხორციელების პროცესში. შესაბამისად, მათი ექსპერტული გამოცდილების გაზიარება ქართული მხარისთვის მნიშვნელოვანია.

ორმხრივი თანამშრომლობის ფარგლებში, პოლონელი ექსპერტები შეიმუშავებენ რეკომენდაციებს და მონაწილეობას მიიღებენ მანდატურის სამსახურის ანტი-ნარკოტიკული კამპანიისა და მასთან დაკავშირებული პრევენციული ღონისძიებების დაგეგმვაში.