საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

14.06.2019

პოლონელი ექსპერტები სკოლებში უსაფრთხოების კუთხით გადადგმულ ნაბიჯებს დადებითად აფასებენ

პოლონელი ექსპერტები სკოლებში უსაფრთხოების კუთხით გადადგმულ ნაბიჯებს დადებითად აფასებენ

განათლების, მეცნიერების, კულტურისა და სპორტის მინისტრის მოადგილე ნათია ზედგინიძე და სსიპ საგანმანათლებლო დაწესებულების მანდატურის სამსახურის უფროსი გელა გელაძე პოლონელ ექსპერტებს - პოლონეთის ნარკო-პრევენციის ცენტრის უფროსის მოადგილე ბოგუსლავა ბუკოვსკა და პოლონეთის ფსიქიატრიისა და ნერვოლოგიის ინსტიტუტის პროფესორ ქშიშტოფ ოსტაჟევსკის შეხვდნენ.

შეხვედრაზე სკოლებში უსაფრთხოებისა და ფსიქო-სოციალური კუთხით მუშაობის გაძლიერების საკითხი განიხილეს. საუბარი შეეხო, ასევე, ანტი-ნარკოტიკულ კამპანიასა და მასთან დაკავშირებულ პრევენციული ღონისძიებებს, რომლებსაც მანდატურის სამსახური პოლონელი ექსპერტების ჩართულობით განახორციელებს.

პოლონელმა ექსპერტებმა შეხვედრა პოზიტიურად შეაფასეს და აღნიშნეს, რომ განათლების სისტემური რეფორმის ფარგლებში უსაფრთხოების კუთხით გადადგმული ნაბიჯები ძალიან მნიშვნელოვანია.  

პოლონელი ექსპერტების ვიზიტი საქართველოში სსიპ საგანმანათლებლო დაწესებულების მანდატურის სამსახურის ორგანიზებითა და ევროკავშირის პროექტის ევროკავშირის მოქმედება ნარკოტიკებისა და ორგანიზებული დანაშაულის წინააღმდეგ(EU-ACT) ფინანსური მხარდაჭერით განხორციელდა. 

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)