მანდატურის სამსახური უსაფრთხო სკოლის საერთაშორისო კონფენერციაში მონაწილეობს

სსიპ საგანმანათლებლო დაწესებულების მანდატურის სამსახურისა და აშშ-ის მანდატურთა ეროვნული ასოციაციის (NASRO) მჭიდრო თანამშრომლობის ფარგლებში, ამერიკული მხარის მოწვევით, ქართული დელეგაცია უსაფრთხო სკოლის 29-ე საერთაშორისო კონფერენციაში მონაწილეობს.

კონფერენციაზე სასწავლო გარემოში უსაფრთხოების მხრივ არსებულ გამოწვევებს განიხილავენ და მათი გადაჭრის გზებზე მსჯელობენ.

უსაფრთხო სკოლის საერთაშორისო კონფერენცია აშშ-ის ტენესის შტატში, ქალაქ პიგეონ ფორჯში 23-დან 28 ივნისის ჩათვლით იმართება. ღონისძიებას აშშ-სა და სხვადასხვა ქვეყნის სასკოლო უსაფრთხოების საკითხებზე მომუშავე ფსიქოლოგები, მანდატურები, სკოლის ადმინისტრაციის წარმომადგენლები და პედაგოგები ესწრებიან.