საგანმანათლებლო დაწესებულების მანდატურის სამსახურის ფსიქო-სოციალური მომსახურების ცენტრში, კიბერბულინგისა და მოზარდებში გაჯეტდამოკიდებულების თემაზე, საჯარო სკოლების პედაგოგებისა და ადმინისტრაციის წარმომადგენლების ტრენინგები დაიწყო. ტრენინგებში იმ საპილოტე სკოლების მასწავლებლები მონაწილეობენ, სადაც მანდატურის სამსახური სოციალური უნარ-ჩვევების განვითარების გრძელვადიან პროექტს ახორციელებს.

 

მოზარდებში გაჯეტდამოკიდებულებასა და კიბერბულინგთან დაკავშირებით ახალი მოდული მანდატურის სამსახურმა გაეროს ბავშვთა ფონდთან მჭიდრო თანამშრომლობითა და კვალიფიციური ექსპერტების ჩართულობით შეიმუშავა.