თანასწორობის თემაზე ბათუმში საინფორმაციო შეხვედრა გაიმართა

თანასწორობისა და ტოლერანტობის კვირეულის ფარგლებში, ბათუმის მე-8 საჯარო სკოლაში მოსწავლეებთან, მათ მშობლებთან და სკოლის ადმინისტრაციასთან საინფორმაციო შეხვედრა გაიმართა. შეხვედრაში მანდატურის სამსახურის უფროსის მოადგილე ნინო შატბერაშვილი, ფსიქო-სოციალური მომსახურების ცენტრის ფსიქოლოგები და სოციალური მუშაკები, დაგეგმარებისა და ანალიზის სამმართველოს კოორდინატორები და ევროპის საბჭოს საქართველოს ოფისის წარმომადგენლები მონაწილეობდნენ.

შეხვედრაზე საგანმანათლებლო დაწესებულებებში თანასწორი გარემოს უზრუნველყოფის საკითხებზე იმსჯელეს.

თანასწორობისა და ტოლერანტობის კვირეული ევროპის საბჭოს პროექტის „დისკრიმინაციასთან, სიძულვილის ენასა და სიძულვილის მოტივით ჩადენილ დანაშაულებთან ბრძოლის წინააღმდეგ“ ფარგლებში ხორციელდება და მასში აქტიურად არის ჩართული საგანმანათლებლო დაწესებულების მანდატურის სამსახური.