19.12.2019

მანდატურის სამსახურმა საპილოტე სკოლების პედაგოგებს ტრენინგის დასრულების სერტიფიკატები გადასცა

 

საგანმანათლებლო დაწესებულების მანდატურის სამსახურის უფროსმა, გელა გელაძემ თბილისის საპილოტე სკოლების პედაგოგებს ტრენინგის წარმატებით დასრულების სერტიფიკატები გადასცა.

მანდატურის სამსახურის ფსიქო-სოციალური მომსახურების ცენტრის მიერ ორგანიზებული ტრენინგები თბილისის 48-ე, 138-ე, 85-ე და 162-ე საჯარო სკოლების პედაგოგებმა გაიარეს.

ტრენინგის მთავარი თემა მოსწავლეებში ნარკოტიკების ავადმოხმარებისა და აზარტულ თამაშებზე დამოკიდებულების პრევენციის საკითხებს შეეხებოდა.

მანდატურის სამსახურის ფსიქო-სოციალური მომსახურების ცენტრმა პედაგოგების გადამზადების აღნიშნული პროგრამა  ფონდთან - „გლობალური ინიციატივა ფსიქიატრიაში - თბილისი“ და დაავადებათა კონტროლისა და საზოგადოებრივი ჯანმრთელობის ეროვნულ ცენტრთან ერთად განახორციელა.