მანდატურის სამსახური საჯარო სკოლებში უფლებამოსილი პირების გადამზადებას აგრძელებს

საგანმანათლებლო დაწესებულების მანდატურის სამსახურში, სპეციალური ტრენინგ-მოდულით, უფლებამოსილი პირების გადამზადება მიმდინარეობს. ამ ეტაპზე, ქვეყნის მასშტაბით, უკვე გადამზადდა 1400-მდე უფლებამოსილი პირი.

უსაფრთხოების ახალი წესის თანახმად, უკლებლივ ყველა იმ საჯარო სკოლაში, სადაც მანდატურის სამსახური ჯერჯერობით წარმოდგენილი არ არის, სასკოლო უსაფრთხოებას უფლებამოსილი პირები უზრუნველყოფენ.

2019 წელს მანდატურის სამსახური საქართველოს რეგიონების 130 ახალ საჯარო სკოლაში შევიდა. სულ, მანდატურები ამ დროისთვის წარმოდგენილნი არიან საქართველოს 588 საჯარო სკოლაში. გაფართოების გეგმის თანახმად, მანდატურის სამსახური 2020 წელს კვლავ 130 ახალ საჯარო სკოლაში შევა.