მანდატურის თასი - კალათბურთში მოსწავლეთა შორის ნახევარფინალური შეხვედრა გაიმართა

საგანმანათლებლო დაწესებულების მანდატურის სამსახურის ორგანიზებით, თბილისის პირველ ექსპერიმენტულ საჯარო სკოლაში, ყოველწლიური საკალათბურთო ტურნირის -„მანდატურის თასი-2020“ ნახევარფინალური შეხვედრა გაიმართა.

შეხვედრაში თბილისის N64, N55, N165 და პირველი ექსპერიმენტული საჯარო სკოლების გუნდები მონაწილეობდნენ.

საბოლოოდ, ფინალურ ეტაპზე გადასვლის უფლება თბილისის N55 და პირველი ექსპერიმენტული სკოლების საკალათბურთო გუნდებმა მოიპოვეს.

ტურნირის - „მანდატურის თასი“ მიზანია მოსწავლეებში ჯანსაღი ცხოვრების წესის პოპულარიზაცია. მიმდინარე წელს, თბილისის მსგავსად, ტურნირში კვლავ ჩაერთვებიან საქართველოს სხვადასხვა რეგიონის საჯარო სკოლების მოსწავლეები.