„მანდატურის თასის“ საკალაბურთო ტურნირში, ვაკე-საბურთალოს რაიონის გამარჯვებული თბილისის პირველი ექსპერიმენტული სკოლა გახდა

საგანმანათლებლო დაწესებულების მანდატურის სამსახურის ორგანიზებით, ვერის  საკალათბურთო დარბაზში, ყოველწლიური  ტურნირის -„მანდატურის თასი-2020“, ვაკე-საბურთალოს რაიონის საჯარო სკოლებს შორის ფინალური შეხვედრა გაიმართა.

შეხვედრაში თბილისის N64, N55, N165 და პირველი ექსპერიმენტული საჯარო სკოლების გუნდები მონაწილეობდნენ.

მესამე ადგილი N64 საჯარო სკოლამ დაიკავა, მეორე ადგილზე N55 საჯარო სკოლა გავიდა, ხოლო საბოლოოდ, ფინალურ ეტაპზე, გამარჯვება თბილისის პირველმა ექსპერიმენტულმა სკოლამ მოიპოვა.

ტურნირის - „მანდატურის თასი“ მიზანია მოსწავლეებში სპორტისა და ჯანსაღი ცხოვრების წესის პოპულარიზაცია.