საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

08.06.2020

მანდატურის სამსახურის უფროსმა მანდატურებს მადლობის სიგელები გადასცა

მანდატურის სამსახურის უფროსმა მანდატურებს მადლობის სიგელები გადასცა

საგანმანათლებლო დაწესებულების მანდატურის სამსახურის უფროსმა, გელა გელაძემ მანდატურებს გლობალური პანდემიის პირობებში გამოჩენილი მაღალი სამოქალაქო და პროფესიული პასუხისმგებლობისთვის მადლობის სიგელები გადასცა. ეფექტური და წარმატებული მუშაობისთვის, საგანმანათლებლო დაწესებულების ის მანდატურები დაჯილდოვდნენ, რომლებიც საკარანტინო ზონების გარე პერიმეტრზე უსაფრთხოებას უზრუნველყოფენ, ასევე, სამთავრობო ცხელ ხაზზე მოქალაქეებს საგანგებო მდგომარეობასთან დაკავშირებულ საკითხებზე ინფორმაციას აწვდიან.

მიმდინარე წლის მარტიდან, სკოლებში საგაკვეთილო პროცესის შეწყვეტის შემდეგ, სსიპ საგანმანათლებლო დაწესებულების 200-ზე მეტი მანდატური, შსს-ს დაცვის პოლიციის დეპარტამენტის თანამშრომლებთან ერთად, თბილისისა და რუსთავის საკარანტინო ზონების გარე პერიმეტრებზე უსაფრთხოებას იცავს, 100 გადამზადებული მანდატური სამთავრობო ცხელი ხაზის მეშვეობით მოქალაქეების ინფორმირებას უზრუნველყოფს.

გელა გელაძემ მანდატურებს გაწეული სამუშაოსთვის მადლობა გადაუხადა და აღნიშნა, რომ მათი მზადყოფნა, თავიანთი წვლილი შეეტანათ Covid-19-ის წინააღმდეგ ბრძოლასა და ეპიდემიის გავრცელების პრევენციის საქმეში, განსაკუთრებით დასაფასებელია. 

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)