მანდატურები შსს-ს აკადემიაში დისტანციური გადამზადების კურსს გადიან

სსიპ საგანმანათლებლო დაწესებულების მანდატურის სამსახურისა და შინაგან საქმეთა სამინისტროს მჭიდრო თანამშრომლობის ფარგლებში, საგანმანათლებლო დაწესებულების მანდატურებისთვის შსს-ს აკადემიაში დისტანციური გადამზადების კურსი დაიწყო. კურსს, ამ ეტაპზე, 385 მანდატური გაივლის. მანდატურები არასრულწლოვანთა მართლმსაჯულების სპეციფიკას, სამართალდარღვევებზე რეაგირების წესს, შშმ პირებთან კომუნიკაციის თავისებურებებს და სხვა მნიშვნელოვან ასპექტებს განახლებული სატრენინგო-სასწავლო პროგრამის ფარგლებში გაეცნობიან. დისტანციური სასწავლო კურსი 10 აგვისტოს დასრულდება, რის შემდეგაც მანდატურები სპეციალურ ტესტირებას გაივლიან და ელექტრონულ სერთიფიკატებს მიიღებენ.

2021 წლის ბოლომდე, შსს-ს აკადემიაში, დისტანციური ელექტრონული პორტალის მეშვეობით, გადამზადდება ყველა ის მოქმედი მანდატური, რომელსაც არ გაუვლია უსაფრთხოების ახალი წესის შესაბამისად 2019 წლიდან შექმნილი ახალი სასწავლო მოდული.