21.07.2020

მანდატურის სამსახურის უფროსმა სამცხე-ჯავახეთის რეგიონული ცენტრის ახალი ოფისი გახსნა

საგანმანათლებლო დაწესებულების მანდატურის სამსახურის უფროსმა, გელა გელაძემ ახალციხეში სამცხე-ჯავახეთის რეგიონული ცენტრის ახალი ოფისი გახსნა. ღონისძიებას სამსახურის უფროსის მოადგილეები, ცენტრის თანამშრომლები, მანდატურები და ფსიქოლოგები დაესწრნენ.  

ახალი ოფისი თანამედროვე სტანდარტებს სრულად შეესაბამება. აქვე განთავსებულია მანდატურის სამსახურის ფსიქოსოციალური მომსახურების სამმართველოს სამცხე-ჯავახეთის ცენტრი და ბავშვთა თერაპიის ოთახები. 

საგანმანათლებლო დაწესებულების მანდატურის სამსახურს, საქართველოს მასშტაბით, 8 რეგიონული ცენტრი აქვს: თბილისისა და მცხეთა-მთიანეთის; აჭარისა და გურიის; სამცხე-ჯავახეთის; სამეგრელოსა და ზემო სვანეთის; იმერეთის, რაჭა-ლეჩხუმისა და ქვემო სვანეთის; შიდა ქართლის; ქვემო ქართლის და კახეთის ცენტრები.