საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

08.03.2011

სკოლის მანდატურებმა აგვისტოს ომში დაღუპული ჯარისკაცების ოჯახებს 8 მარტი მიულოცეს

გორის სკოლის მანდატურები აგვისტოს ომში დაღუპული ჯარისკაცის ჯიმშერ ტოროშელიძის ოჯახს ესტუმრნენ, მის მეუღლეს ნათელა გოგიძეს 8 მარტი მიულოცეს და საჩუქრები გადასცეს. მანდატურებმა გორში მცხოვრები, აგვისტოს ომში დაღუპული კიდევ 14 ჯარისკაცის ოჯახები მოინახულეს, მათ მეუღლეებს ქალთა დღე მიულოცეს და საჩუქრად საკვები პროდუქტები და ტკბილეულობა გადასცეს.

ჯიმშერ ტოროშელიძე ერთ-ერთი იყო იმ ჯარისკაცთაგან, რომელიც აგვისტოს ომში დაიღუპა და 3 არასრულწლოვანი შვილი დარჩა. მანდატურბმა კარალეთის დასახლებაში მცხოვრები სხვა მრავალშვილიანი ოჯახებიც მოინახულეს, რომელთა წევრებიც გმირულად იბრძოდნენ აგვისტოს დღეებში.

მანდატურები მსგავს აქციებში მონაწილეობას მომავალშიც მიიღებენ, ისინი მზად არიან ნებისმიერ დროს მხარში დაუდგნენ იმ ოჯახებს, რომელთაც დახმარება ესაჭიროებათ.

სკოლებში უსაფრთხოების დაცვის მიზნით, მანდატურები ახალი სასწავლო წლიდან თბილისის, ბათუმის, ქუთაისის, ზუგდიდის, ფოთის, გორისა და რუსთავის საჯარო სკოლებში შევიდნენ. მანდატურების ფუნქცია დანაშაულის პრევენცია და ბავშვისთვის ყველა სახის დახმარების გაწევაა. მათ სადამსჯელო ღონისძიებების განხორციელება ეკრძალებათ და ვალდებულნი არიან მოსწავლეთა უსაფრთხოებაზე იზრუნონ.

უსაფრთხო სკოლის პროგრამის ფარგლებში განხორციელებული ახალი ინიციატივის მიზანია, სწავლის პერიოდში მშობლებს შვილების უსაფრთხოების სრული გარანტია ჰქონდეთ.

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)