საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

12.04.2021

მანდატურის სამსახურის ფსიქოსოციალური მომსახურების ცენტრი სკოლებში სოციალური მუშაობის კომპონენტს აძლიერებს

 მანდატურის სამსახურის ფსიქოსოციალური მომსახურების ცენტრი სკოლებში სოციალური მუშაობის კომპონენტს აძლიერებს

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრი საჯარო სკოლებში სოციალური მუშაობის კომპონენტს აძლიერებს. ამ მიზნით, ცენტრს, პირველ ეტაპზე, კონკურსის წესით შერჩეული 28 კვალიფიციური სოციალური მუშაკი დაემატა. ისინი ფსიქოსოციალური მომსახურების ცენტრის თბილისის, კახეთის, ქვემო ქართლის, აჭარა-გურიის, იმერეთისა და რაჭა-ლეჩხუმის ოფისებში გადანაწილდებიან. 

ახლადდანიშნულ სოციალურ მუშაკებს საქართველოს განათლებისა და მეცნიერების მინისტრის პირველი მოადგილე ეკატერინე დგებუაძე და საგანმანათლებლო დაწესებულების მანდატურის სამსახურის უფროსის მოადგილე ნინო შატბერაშვილი შეხვდნენ.

როგორც შეხვედრაზე აღინიშნა, უაღრესად მნიშვნელოვანია საგანმანათლებლო სივრცეში სოციალური მუშაკების როლის გაზრდა, რაც გულისხმობს მოსწავლეთა, მათი მშობლებისა და პედაგოგების მხარდაჭერას საგანმანათლებლო პროცესში, ასევე, მოსწავლეთა ეფექტიანი სოციალური ფუნქციონირებისათვის ხელშემშლელი ფაქტორების შემცირებასა და აღმოფხვრას.

მიმდინარე წელს, მანდატურის სამსახური, კონკურსის გზით, კიდევ 22 კვალიფიციურ სოციალურ მუშაკს შეარჩევს. შესარჩევი კონკურსის მეორე ეტაპი უახლოეს მომავალში გაიმართება.  

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)