საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

28.05.2021

მანდატურის სამსახურმა მსოფლიო კონგრესში მიიღო მონაწილეობა

მანდატურის სამსახურმა მსოფლიო კონგრესში მიიღო მონაწილეობა

საგანმანათლებლო დაწესებულების მანდატურის სამსახურის უფროსის მოადგილე ნინო შატბერაშვილმა და ფსიქოსოციალური მომსახურების ცენტრის თანამშრომლებმა საერთაშორისო ორგანიზაცია EFeCT-ის მიერ ორგანიზებულ მსოფლიო კონგრესში მიიღეს მონაწილეობა.

კონგრესი სკოლაში აღდგენითი პროცესების პოლიტიკას შეეხება, რაც მოსწავლეთა პრობლემურ ქცევებზე საპასუხოდ კონსტრუქციული მიდგომების შემუშავებას გულისხმობს და ქვეყნებს შორის გამოცდილების გაზიარებას ითვალისწინებს. კონგრესში განათლების სისტემაში კრიზისული ინტერვენციის მიმართულებით სერტიფიცირებული ტრენერები და სპეციალისტები მონაწილეობენ.

სკოლაში აღდგენითი პროცესების პოლიტიკის წარმართვა, მათ შორის, სასკოლო მედიაცია თანამედროვე განათლების სისტემაში ერთ-ერთ ყველაზე ეფექტურ მიმართულებად ითვლება. აღნიშნული მექანიზმის გაძლიერება ევროპული ქვეყნების საგანმანათლებლო სივრცეში ამჟამად აქტიურად მიმდინარეობს.

მანდატურის სამსახურის ფსიქოსოციალური მომსახურების ცენტრმა, საერთაშორისო ორგანიზაციებთან მჭიდრო თანამშრომლობით, შეიმუშავა სასკოლო მედიაციის კონცეფცია, რომლის პროაქტიულად დანერგვა, ქვეყნის მასშტაბით, საპილოტე სკოლებში უკვე დაიწყო. 

ცენტრის თანამშრომლებმა, ევროპელი ექსპერტების მხარდაჭერით, სკოლაში აღდგენითი პროცესების მიმართულებით გადამზადება გაიარეს და  შესაბამისი სერტიფიკატებიც მოიპოვეს.  

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქოსოციალური მომსახურების ცენტრის ცხელი ხაზი

2 200 220 (3025)