საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

08.06.2021

მანდატურის სამსახურმა და საჯარო სკოლების დირექტორებმა საპილოტე პროექტის მიმდინარეობა და მიღწეული შედეგები შეაჯამეს

მანდატურის სამსახურმა და საჯარო სკოლების დირექტორებმა საპილოტე პროექტის მიმდინარეობა და მიღწეული შედეგები შეაჯამეს

თბილისისა და რეგიონების საჯარო სკოლების დირექტორებმა მანდატურის სამსახურის ფსიქოსოციალური მომსახურების ცენტრის საპილოტე პროექტის მიმდინარეობისა და მიღწეული შედეგების შესახებ შუალედური ანგარიში წარადგინეს.

ონლაინ შეხვედრას მანდატურის სამსახურის უფროსის მოადგილე ნინო შატბერაშვილი, ფსიქოსოციალური მომსახურების ცენტრის უფროსი თეონა ჩიტიაშვილი და განათლებისა და მეცნიერების სამინისტროს წარმომადგენლები ესწრებოდნენ.

სოციალური უნარ-ჩვევების განვითარების გრძელვადიანი პროექტი, რომელსაც მანდატურის სამსახურის ფსიქოსოციალური მომსახურების ცენტრი თბილისის, ბათუმის, ქუთაისის, რუსთავის, გორისა და ზუგდიდის 11 საპილოტე სკოლაში 2019 წლიდან ახორციელებს, ძალადობისა და ნივთიერებათა ავადმოხმარების პრევენციის გრძელვადიან, თანმიმდევრულ პროგრამას ეფუძნება.

პროექტის მიზანია: ძალადობისგან თავისუფალი სასკოლო გარემოს ფორმირების ხელშეწყობა; კრიზისული სიტუაციების, სარისკო ქცევების პრევენცია და მათზე რეაგირება; სასწავლო ცხოვრებაში ჩართული ყველა რგოლის გაძლიერება ბავშვთა საჭიროებების ამოცნობისა და მათზე ჯეროვნად რეაგირების მიზნით; აღდგენითი პროცესების განვითარების ხელშეწყობა და ბავშვთა საჭიროებებზე მორგებული სხვა მნიშვნელოვანი ღონისძიებების განხორციელება.

შეხვედრის მონაწილეებმა სკოლებში სოციალური მუშაობის კომპონენტის გაძლიერებაზეც იმსჯელეს. საგანმანათლებლო დაწესებულების მანდატურის სამსახურის სოციალური მუშაკები უკვე შევიდნენ საქართველოს რამდენიმე საჯარო სკოლაში. ისინი ფსიქოსოციალური მომსახურების ცენტრის მიერ, საუკეთესო დასავლური გამოცდილების გათვალისწინებით დანერგილი ახალი მიდგომებითა და მეთოდებით იმუშავებენ.  

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქოსოციალური მომსახურების ცენტრის ცხელი ხაზი

2 200 220 (3025)