საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

14.09.2021

ადამიანის უფლებების თემაზე, მანდატურის სამსახურმა ტრენინგების მორიგი ციკლი გამართა

ადამიანის უფლებების თემაზე, მანდატურის სამსახურმა ტრენინგების მორიგი ციკლი გამართა

სსიპ საგანმანათლებლო დაწესებულების მანდატურის სამსახურის აჭარის, ქვემო ქართლის, სამცხე-ჯავახეთის რეგიონების და თბილისის 60 მანდატურს, ადამიანის უფლებების თემაზე, ონლაინ ტრენინგები ჩაუტარდათ.

ტრენინგებს ის მანდატურები და კოორდინატორები უძღვებოდნენ, რომლებიც, ევროპის საბჭოს მხარდაჭერით, ტრენერებად მომზადდნენ და მიღებულ ცოდნას ამჯერად საკუთარ კოლეგებს უზიარებენ.

ონლაინ ტრენინგის მონაწილეები ისეთ საკითხებს გაეცნენ, როგორიცაა: ადამიანის უფლებები და თანამედროვე გამოწვევები; ბავშვთა უფლებები; სტერეოტიპები და ცრურწმენები; სიძულვილის ენა, დისკრიმინაცია და მასთან დაკავშირებული სამართლებრივი ასპექტები; ტოლერანტობა და მრავალფეროვნება, კიბერბულინგი და სიძულვილის ენა ონლაინ სივრცეში.

შემეცნებით-საგანმანათლებლო კურსს ადამიანის უფლებების თემაზე მანდატურის სამსახური სისტემატურად ატარებს. ტრენინგები მანდატურის სამსახურისა და ევროპის საბჭოს პროექტის - „დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ ბრძოლა საქართველოში“ მჭიდრო თანამშრომლობის ფარგლებში მიმდინარეობს.   

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქო-სოციალური მომსახურების ცენტრის ცხელი ხაზი

2 200 220 (3025)