საგანმანათლებლო დაწესებულების მანდატურის სამსახური

OFFICE OF RESOURCE OFFICERS OF EDUCATIONAL INSTITUTIONS

ახალი ამბები

30.09.2021

მანდატურის სამსახური სასკოლო სივრცეში სასწავლო პროცესის აღდგენისთვის სრულ მზადყოფნაშია

მანდატურის სამსახური სასკოლო სივრცეში სასწავლო პროცესის აღდგენისთვის სრულ მზადყოფნაშია

საგანმანათლებლო დაწესებულების მანდატურის სამსახურს, 2021-2022 სასწავლო წლის დასაწყისში, კონკურსის წესით შერჩეული, 64 ახალი მანდატური დაემატა. ისინი თბილისისა და რეგიონების საჯარო სკოლებში გადანაწილდებიან.

ახალმა მანდატურებმა შსს აკადემიაში მოსამზადებელი კურსი წარმატებით დაასრულეს. მათ ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესი, პრევენციისა და რეაგირების მექანიზმები, მოზარდის განვითარების ფსიქოლოგიური ასპექტები და სხვა მნიშვნელოვანი საკითხები შეისწავლეს.

ამ ეტაპზე, საგანმანათლებლო დაწესებულების მანდატურის სამსახური, ქვეყნის მასშტაბით, 607 საჯარო სკოლაშია წარმოდგენილი.

სასკოლო სივრცეში პირისპირ სწავლების აღდგენის შემდეგ, საზოგადოებრივი წესრიგისა და უსაფრთხოების უზრუნველყოფის პარალელურად, მანდატურები მაქსიმალურ მხარდაჭერას აღმოუჩენენ სკოლების ადმინისტრაციებს მოსწავლეთა და პედაგოგების ჯანმრთელობისთვის საჭირო რეკომენდაციების აღსრულებაში.  

მუშაობას სრული დატვირთვით აგრძელებს მანდატურის სამსახურის ფსიქოსოციალური მომსახურების ცენტრიც, რომელიც, მთელი საქართველოს მასშტაბით, მოსწავლეებისთვის უფასო და მაღალკვალიფიციური ფსიქოსოციალური მომსახურების მიწოდებას უზრუნველყოფს. 

როგორ გავხდე მანდატური?

მონიტორინგის სამმართველოს ცხელი ხაზი

2 200 220 (3335)

ფსიქოლოგიური საკონსულტაციო მომსახურების 24 საათიანი ცხელი ხაზი

08 00 00 00 88

ფსიქოსოციალური მომსახურების ცენტრის ცხელი ხაზი

2 200 220 (3025)