befriend.mes.gov.ge - მანდატურის სამსახურის ფსიქოსოციალური მომსახურების ცენტრის ახალი ონლაინ პლატფორმა

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის ახალი ვებ-გვერდი - befriend.mes.gov.ge, რომელიც აქამდე სატესტო რეჟიმში ფუნქციონირებდა, სრული დატვირთვით ამოქმედდა.

ყოველ სამუშაო დღეს, 09.00 საათიდან 18.00 საათამდე, ინტერნეტპორტალის  საკონსულტაციო ჩატის მეშვეობით, სკოლის მოსწავლეებს და მათთან დაკავშირებულ სუბიექტებს, სრული კონფიდენციალურობის დაცვით და უფასოდ, შეუძლიათ მიიღონ კვალიფიციური ფსიქოლოგიური კონსულტაცია.

ონლაინ კონსულტირებას ცენტრის მიერ დამტკიცებული პროტოკოლი არეგულირებს.

ერთჯერადი კონსულტაციის გაწევის შემდეგ, ფსიქოლოგი, საჭიროების შემთხვევაში, მომსახურების მიმღებს ფსიქოსოციალური მომსახურების ცენტრის სხვა სერვისებსაც შესთავაზებს, რომლებიც, მთელი საქართველოს მასშტაბით, მოსწავლეების და მათთან დაკავშირებული სუბიექტებისთვის სრულფასოვან, მაღალკვალიფიციურ ფსიქოსოციალურ მომსახურებას უზრუნველყოფს.

ახალი ინტერნეტპორტალის პარალელურად, 24 საათიან რეჟიმში ფუნქციონირებას განაგრძობს მანდატურის სამსახურის ფსიქოსოციალური მომსახურების ცენტრის  ცხელი ხაზი: 08 00 00 00 88.

ვებ-გვერდი befriend.mes.gov.ge მნიშვნელოვნად შეუწყობს ხელს სხვადასხვა აქტუალურ თემაზე საზოგადოების, განსაკუთრებით - მოზარდების ცნობიერების ამაღლებას და ინფორმაციის ხელმისაწვდომობას.