22.11.2021

ყველა თანასწორობისთვის - საჯარო სკოლებში, ტოლერანტობის თემაზე, შემეცნებით-საგანმანათლებლო ღონისძიებები გრძელდება

საგანმანათლებლო დაწესებულების მანდატურის სამსახურის ინიციატივით, თანასწორობისა და ტოლერანტობის თემაზე, საჯარო სკოლებში მოსწავლეებთან შეხვედრები, ასევე, ნახატებისა და პოსტერების გამოფენა გრძელდება. 

თანასწორობის კვირეულს ამჯერად თბილისის 71-ე საჯარო სკოლამ უმასპინძლა. გამოფენაზე თავიანთი ნამუშევრები მეშვიდე კლასის მოსწავლეებმა წარადგინეს.

ღონისძიებას საგანამნათლებლო დაწესებულების მანდატურის სამსახურის უფროსის მოადგილე სოფიო აბულაშვილი, დაგეგმარებისა და ანალიზის სამმართველოს უფროსი ეკატერინე მარხვაშვილი და სხვა მოწვეული სტუმრები ესწრებოდნენ.

ღონისძიების დასასრულს, საგანმანათლებლო დაწესებულების მანდატურის სამსახურის სახელით, თანასწორობის კვირეულის აქტიურ მონაწილეებს მადლობის სიგელები გადაეცათ.