14.12.2021

საგანმანათლებლო დაწესებულების მანდატურები გენდერული თანასწორობის საკითხზე ტრენერებად მომზადდნენ

გაეროს ქალთა ორგანიზაციის მხარდაჭერითა და ევროკავშირის დაფინანსებით, საგანმანათლებლო დაწესებულების 14 მანდატური გენდერული ძალადობისა და ოჯახში ძალადობის საკითხებზე ტრენერად გადამზადდა. მიღებულ ცოდნას ისინი სამომავალოდ სასკოლო ცხოვრებაში ჩართულ სხვა პირებს გაუზიარებენ.

ტრენერთა ტრენინგის მიზანია, ხელი შეუწყოს სასკოლო საზოგადოებაში საკანონმდებლო ბაზის აღსრულებასა და გენდერული თანასწორობის მიმართულებით ეფექტიანი მექანიზმის შემუშავებას; ასევე, ოჯახში ძალადობის შემთხვევების გამოვლენასა და მასზე მყისიერ რეაგირებას.

ტრენერთა ტრენინგი პროექტის „ქალებისა და გოგოების მიმართ ძალადობის წინააღმდეგ“ ნაწილია, რომელსაც გაეროს ქალთა ორგანიზაცია და გაეროს მოსახლეობის ფონდი ევროკავშირის მხარდაჭერით ახორციელებენ.