18.01.2022

საგანმანათლებლო დაწესებულების მანდატურებმა გენდერული ძალადობის შესახებ ტრენინგი გაიარეს

საგანმანათლებლო დაწესებულების მანდატურები გაეროს ქალთა ორგანიზაციის პროექტთან „ქალებისა და გოგოების მიმართ ძალადობის წინააღმდეგ“ აქტიურ თანამშრომლობას აგრძელებენ.

ამჯერად, გენდერული თანასწორობის საკითხებზე ტრენერად მომზადებული 11 მანდატური ქალთა მიმართ და გენდერული ძალადობის შესახებ ცნობიერების ასამაღლებელ შეხვედრაში ჩაერთო. ტრენინგები, გაეროს ქალთა ორგანიზაციის პარტნიორმა არასამთავრობო ორგანიზაციებმა: „ქალთა საინფორმაციო ცენტრი“ (WIC) და „საქართველოს გოგონა სკაუტთა ასოციაცია დია“-მ ჩაატარეს.   

ცნობიერების ასამაღლებელი შეხვედრაზე გამოყენებული იყო ინოვაციური ტრენინგ მოდულები, როგორიცაა: სიმულაციური თამაში - „იყო მის ადგილას“, რომელიც ძალადობაგამოვლილი ქალების რეალურ გამოცდილებას ეყრდნობა და კურიკულუმი „ხმები ძალადობის წინააღმდეგ,“ რაც  გენდერული უთანასწორობის, სტერეოტიპების, ძალადობის და მსგავსი საკითხების გარშემო მსჯელობას ითვალისწინებს.

შეხვედრა ჩატარდა პროექტის „ქალებისა და გოგოების მიმართ ძალადობის წინააღმდეგ“, რომელსაც გაეროს ქალთა ორგანიზაცია და გაეროს მოსახლეობის ფონდი ევროკავშირის დაფინანსებით ახორციელებენ.