ფსიქოსოციალური მომსახურების ცენტრის სოციალურმა მუშაკებმა ონლაინ ტრენინგი გაიარეს

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის 8 სოციალურმა მუშაკმა, შფოთვისა და სხვა ემოციური სირთულეების მქონე მოსწავლეთა მხარდაჭერის საკითხზე, კვალიფიკაციის ასამაღლებელი ტრენინგი გაიარა. ონლაინ ტრენინგს ორგანიზაცია „მაკლეინის ასოციაცია ბავშვებისთვის“ (MAC) უძღვებოდა.

ტრენინგის მონაწილეები დეტალურად გაეცნენ ისეთ საკითხებს, როგორიცაა: ემოციის სახეები, მახასიათებლები და ფუნქციები; ემოციების რეგულაციების განვითარება; განვითარების სხვადასხვა ეტაპისთვის დამახასიათებელი შიშები; განსხვავება ადაპტურ და არაადაპტურ შფოთვას შორის; შფოთვისა და ემოციური სირთულეების განვითარების რისკ-ფაქტორები; მტკიცებულებაზე დაფუძნებული მიდგომა შფოთვისა და სხვა ემოციური სირთულეების მქონე მოსწავლეების მხარდასაჭერად; კოგნიტური მოდელი: ურთიერთკავშირი ემოციებს, აზრებსა და ქცევას შორის; მცდარი წარმოდგენები და მათი ამოცნობის გზები; ეფექტური სასწავლო სტრატეგიები და აკომოდაციები ემოციური სირთულეების მქონე მოსწავლეებისთვის.

ტრენინგების ციკლი მომავალშიც გაგრძელდება და მას საგანმანათლებლო დაწესებულების მანდატურის სამსახურის ყველა სოციალური მუშაკი გაივლის.