საგანმანათლებლო დაწესებულების მანდატურის სამსახურმა სკოლებში დაუნის სინდრომის მსოფლიო დღისადმი მიძღვნილი ღონისძიებები გამართა

დაუნის სინდრომის მსოფლიო დღესთან დაკავშირებით, სსიპ საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის სოციალურმა მუშაკებმა თბილისისა და რეგიონების სკოლებში შემეცნებით-საგანმანათლებლო ღონისძიებები ჩაატარეს.

დაუნის სინდრომის შესახებ ცნობიერების ამაღლების მიზნით, გაიმართა  საინფორმაციო ხასიათის შეხვედრები და პრეზენტაციები, ჩატარდა მოსწავლეთა ასაკობრივ განვითარებაზე მორგებული ხატვითი აქტივობები, მოეწყო ვიდეორგოლების განხილვები.

საგანმანათლებლო დაწესებულების მანდატურის სამსახური დაუნის სინდრომის მსოფლიო დღის აღნიშვნას ყოველწლიურად, სხვადასხვა საინფორმაციო-საგანმანათლებლო ღონისძიებით უერთდება.