16.06.2022

მანდატურის სამსახურის უფროსსა და NASRO-ს აღმასრულებელ დირექტორს შორის ონლაინ შეხვედრა შედგა

საგანმანათლებლო დაწესებულების მანდატურის სამსახურის უფროსს, გელა გელაძესა და ამერიკის შეერთებული შტატების სკოლის ოფიცერთა ეროვნული ასოციაციის (NASRO) აღმასრულებელ დირექტორს, მო კენედის შორის ონლაინ შეხვედრა შედგა.

საუბარი ორი ქვეყნის პარტნიორ სტრუქტურებს შორის თანამშრომლობის გაღრმავებას შეეხებოდა. გელა გელაძემ და მო კენედიმ უსაფრთხო სკოლის უზრუნველყოფის მიმართულებით არსებული გამოწვევები განიხილეს, კრიზისების მართვასა და პრევენციაზე, ასევე, მიმდინარე და დაგეგმილ პროექტებზე ისაუბრეს.

საგანმანათლებლო დაწესებულების მანდატურის სამსახური აშშ-ის სკოლის ოფიცერთა ეროვნულ ასოციაციასთან მჭიდროდ თანამშრომლობს, სისტემატურად ხდება გამოცდილების გაზიარება და სასკოლო ინტერვენციის წარმატებული მოდელების განხილვა.