საგანმანათლებლო დაწესებულების მანდატურებმა ადამიანის უფლებათა სწავლების პროგრამით ტრენინგი გაიარეს

აჭარის, შიდა ქართლის, ქვემო ქართლის, სამცხე-ჯავახეთის, კახეთის და მცხეთა-მთიანეთის  რეგიონებისა და თბილისის 550 მოქმედი მანდატური ევროპის საბჭოს ექსპერტების მიერ სპეციალურად საგანმანათლებლო დაწესებულების მანდატურის სამსახურისთვის შექმნილი ადამიანის უფლებათა სწავლების პროგრამით გადამზადდა. გადამზადების კურსი ბავშვის უფლებებს, ანტიდისკრიმინაციულ მიდგომებსა და სიძულვილის ენას შეეხებოდა. ონლაინ ტრენინგს ევროპის საბჭოს მიერ ტრენერად გადამზადებული მანდატურები უძღვებოდნენ. 

საგანმანათლებლო დაწესებულების მანდატურის სამსახური 2019-2021 წლებში აქტიურად თანამშრომლობდა ევროპის საბჭოსთან, პროექტის „დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ ბრძოლა საქართველოში“ ფარგლებში. ადამიანის უფლებათა სწავლების პროგრამით, მანდატურის სამსახურის 39-მა თანამშრომელმა მრავალეტაპიანი ტრენერთა ტრენინგი გაიარა, ხოლო 900-მდე მოქმედი მანდატური ანტიდისკრიმინაციული მიდგომების, თანასწორობისა და მრავალფეროვნების თემებზე გადამზადდა.