ფსიქოსოციალური მომსახურების ცენტრმა ბავშვთა საკითხებზე მომუშავე ორგანიზაციებთან სამუშაო შეხვედრა გამართა

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრმა საქართველოში მოქმედ საერთაშორისო, პროფილური სახელმწიფო და არასამთავრობო ორგანიზაციების წარმომადგენლებს ბოლო 6 თვეში განხორციელებული საქმიანობის შედეგები და მიმდინარე პროექტები გააცნო.

სამუშაო შეხვედრაზე საგანმანათლებლო სივრცეში აღდგენითი პროცესების დანერგვის, სასკოლო კლიმატის გაუმჯობესებისა და სოციალური მუშაობის კომპონენტის გაძლიერების მიმართულებით განხორციელებული ღონისძიებები შეაფასეს, მათ შორის, სასკოლო მედიაციის პილოტირების პირველადი შედეგი, ასევე, ძალადობისა და ნივთიერებათა ავადმოხმარების პრევენციის საპილოტე პროგრამის შედეგები.

ონლაინ შეხვედრას მანდატურის სამსახურის უფროსის მოადგილე ნინო შატბერაშვილი, ფსიქოსოციალური მომსახურების ცენტრის უფროსი თეონა ჩიტიაშვილი, ცენტრის სოციალური მუშაობის მენეჯერი ნათია მაჭარაშვილი, ფსიქოლოგები, სოციალური მუშაკები და ბავშვთა საკითხებზე მომუშავე ორგანიზაციები ესწრებოდნენ.

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის ინიციატივითა და ორგანიზებით, მსგავსი შეხვედრები საერთაშორისო ორგანიზაციებთან, სახელმწიფო და არასამთავრობო სექტორთან  სისტემატურად იმართება.