19.09.2022

ფსიქოსოციალური მომსახურების ცენტრის წარმომადგენლებმა EMCDDA-ის ტრენერთა ტრენინგში მიიღეს მონაწილეობა

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის უფროსმა, თეონა ჩიტიაშვილმა და ამავე ცენტრის ფსიქოლოგმა, მარიამ დავითაშვილმა ნარკოტიკებისა და წამალდამოკიდებულების მონიტორინგის ევროპული ცენტრის - EMCDDA-ის მიერ ორგანიზებულ ტერნერთა ტრენინგში მიიღეს მონაწილეობა. 5 დღიანი ტრენინგი პოლონეთში, ქალაქ კრაკოვში გაიმართა. საქართველოსთან ერთად, ტრენინგში გერმანიის, საბერძნეთის, ლიეტუვის, ლატვიის, პოლონეთის, ალბანეთის, უკრაინის, ხორვატიის, კვიპროსის და სხვა ქვეყნების წარმომადგენლები მონაწილეობდნენ.

ტრენერთა ტრენინგის მიზანია ადგილობრივი ტრენერი ექსპერტების მომზადება ნივთიერებათა ავადმოხმარების პრევენციის საკითხებში - როგორც სასკოლო სივრცეში, ასევე ოჯახში, თემში, სამუშაო გარემოსა და მედიაში.