მანდატურის სამსახურმა ქალთა მიმართ ძალადობის და ადრეული ქორწინების წინააღმდეგ საინფორმაციო-საგანმანათლებლო შეხვედრები გამართა

ქალთა მიმართ ძალადობის წინააღმდეგ გლობალური კამპანიის ფარგლებში, საგანმანათლებლო დაწესებულების მანდატურის სამსახურის თანამშრომლებმა საჯარო სკოლებში საინფორმაციო-საგანმანათლებლო შეხვედრები გამართეს.

საგანმანათლებლო დაწესებულების მანდატურის სამსახურისა და საქართველოს სახალხო დამცველის წარმომადგენლებმა, ბავშვთა ასაკში ქორწინების პრევენციის მიზნით, საინფორმაციო კამპანია გარდაბნის მუნიციპალიტეტის სოფელ ყარათაკლიას საჯარო სკოლაში ჩაატარეს. საგანმანათლებლო-შემეცნებითი შეხვედრების შემდეგ, მიღებული ინფორმაციის საფუძველზე, მოსწავლეებმა ადრეული ქორწინების თემაზე მათ მიერ ქართულ და აზერბაიჯანულ ენებზე შექმნილი პოსტერების გამოფენა მოაწყვეს. 

მანდატურის სამსახურის სოციალური მუშაკების ორგანიზებით, გენდერული ნიშნით ძალადობის შესახებ საინფორმაციო შეხვედრები გაიმართა სიღნაღის რაიონის ქალაქ წნორის და ქალაქ გურჯაანის საჯარო სკოლების უფროსკლასელთათვის. შეხვედრებზე ძალადობის ფორმები, ძალადობის წინააღმდეგ ბრძოლის მეთოდები, არსებული სერვისები და ქვეყანაში მოქმედი კანონმდებლობა განიხილეს. მოსწავლეებმა გენდერული ნიშნით ძალადობასთან ბრძოლის თემაზე ინსტრალაციებიც შექმნეს.

მსგავსი საინფორმაციო-საგანმანათლებლო შეხვედრები საჯარო სკოლებში მომავალშიც აქტიურად გაგრძელდება.