21.02.2023

მანდატურის სამსახურის უფროსის მოადგილემ რეგიონებში სამუშაო შეხვედრები გამართა

საგანმანათლებლო დაწესებულების მანდატურის სამსახურის უფროსის მოადგილე ნინო შატბერაშვილმა, სკოლებში სოციალური მუშაობის კომპონენტის განხორციელებისა და მიღწეული შედეგების განხილვის მიზნით, ქუთაისში, ბათუმში, ფოთსა და ზუგდიდში სამუშაო შეხვედრები გამართა.

შეხვედრებში მანდატურის სამსახურის ფსიქოსოციალური მომსახურების ცენტრის წარმომადგენლები, საგანმანათლებლო რესურსცენტრების უფროსები, საჯარო სკოლების დირექტორები და პედაგოგები მონაწილეობდნენ.

შეხვედრებზე სკოლებში სოციალური მუშაობის მიმართულებით მიმდინარე საქმიანობის შედეგები და  სამომავლო გეგმები განიხილეს.

საგანმანათლებლო დაწესებულების მანდატურის სამსახური სოციალურ მუშაობას ამჟამად საქართველოს 56 საჯარო სკოლაში ახორციელებს.