მანდატურის სამსახურის სოციალურმა მუშაკებმა სუბკულტურის გავლენის მქონე მოზარდებთან მუშაობის წარმართვის შესახებ ტრენინგი გაიარეს

საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის სოციალურმა მუშაკებმა სუბკულტურის გავლენის მქონე მოზარდებთან მუშაობის წარმართვის შესახებ ტრენინგი გაიარეს.

ტრენინგის მიზანს წარმოადგენდა კრიმინალური სუბკულტურის მახასიათებლების, ასევე, იმ მეთოდების შესწავლა, რომლებიც  ეფექტიანია სუბკულტურის გავლენის ქვეშ მყოფ მოზარდებთან სამუშაოდ. მსგავსი მუშაობა მოიცავს როგორც ღირებულებების გადააზრებაში ხელშეწყობას, ისე კომუნიკაციის სწორად წარმართვას, ინდივიდუალური კონსულტირების საკითხების განსაზღვრას, შესაბამისი ინდივიდუალური სავარჯიშოების გამოყენებას და ჯგუფური მუშაობის დაგეგმვას. თეორიული ცოდნის გარდა, ტრენინგი დატვირთული იყო სპეციალისტების მიერ პრაქტიკული უნარების გამომუშავებაზე მიმართული აქტივობებით. შეხვედრას მოწვეული ტრენერი უძღვებოდა.

ტრენინგი  პროექტის - „სკოლის უსაფრთხოებისა და ინკლუზიის გაძლიერება“ ფარგლებში ჩატარდა, რომელიც გაეროს ბავშვთა ფონდის მხარდაჭერით ხორციელდება.