18.03.2023

საგანმანათლებლო დაწესებულების მანდატურებმა მოზარდებში პრობლემური ქცევისა და სუბკულტურის თემაზე ტრენინგები გაიარეს

საგანმანათლებლო დაწესებულების 250 მანდატურს მოზარდებში პრობლემური ქცევისა და სუბკულტურის თემაზე ონლაინ ტრენინგები ჩაუტარდათ. ტრენინგებში შიდა ქართლის, სამცხე-ჯავახეთის, იმერეთის, რაჭა ლეჩხუმისა და ქვემო სვანეთის, სამეგრელოსა და აჭარა-გურიის ცენტრების მანდატურები მონაწილეობდნენ.

ტრენინგებზე განიხილეს ისეთ საკითხები, როგორიცაა: პრობლემური ქცევა ბავშვებსა და მოზარდებში, მისი გამომწვევი ფაქტორები და პრობლემური ქცევის მართვა; კრიმინალური სუბკულტურა და მასში ჩართულობის შედეგები; სუბკულტურის ზეგავლენისგან თავის არიდების რეკომენდაციები და მექანიზმები.  

ტრენინგებს ტრენერად გადამზადებული მანდატურები უძღვებოდნენ.