საგანმანათლებლო დაწესებულების მანდატურის სამსახური რეგიონების კიდევ 4 საჯარო სკოლაში შევიდა

საგანმანათლებლო დაწესებულების მანდატურის სამსახური კახეთის, აჭარის, სამეგრელოსა და ქვემო ქართლის რეგიონების კიდევ 4 საჯარო სკოლაში შევიდა.

დღეიდან, საგანმანათლებლო დაწესებულების მანდატურები წარმოდგენილი იქნებიან ხობის მუნიციპალიტეტის სოფელ ქვემო ქვალონის N1, მარნეულის მუნიციპალიტეტის სოფელ საბირკენდის N1, გურჯაანის მუნიციპალიტეტის სოფელ ვაჩნაძიანის და ხელვაჩაურის მუნიციპალიტეტის სოფელ წინსვლის საჯარო სკოლებში.

ამ დროისთვის, საგანმანათლებლო დაწესებულების მანდატურის სამსახური, საქართველოს მასშტაბით, 696 საჯარო სკოლაშია წარმოდგენილი, სადაც მოსწავლეთა საერთო რაოდენობის 90 პროცენტზე მეტი სწავლობს. მანდატურის სამსახურის მომსახურებით ასევე სარგებლობენ კერძო სკოლები და პროფესიული სასწავლებლები.